--Ads--
VIGAN CITY – Nakemmeg ti maysa a lalaki a taga- Ilocos Norte gapu iti kaso na a robbery.
Nabigbig ti suspek a ni Gomer Policarpio nga agtawen ti tallo pulo ket pito ,baro ken awanan iti pagsapulan nga aganed idiay Barangay Tabug, Batac City, Ilocos Norte.
Ti pannakakemmeg ti suspek ket babaen iti warrant of arrest na nga inparuwar ni Judge Homer Jay Ragunjan ti Regional Trial Court, Branch 24, Cabugao.
Nakikinnammayet ti San Juan municipal police station ken Ilocos Sur Police Provincial Office iti Batac City Police Station para iti papanda idiay Brgy. Tabug, Batac City, Ilocos Norte tapnu kemmegen da ti suspek.
-- ADVERTISEMENT --
