VIGAN CITY – Kaso a theft iti naipila kontra kn ni Jerry Cabuena nga agtawen ti uppat a pulo ket pito a taga- Barangay Sta. Lucia, Narvacan gapu iti mapapati a panangtakaw na ti dua pulo ket lima ribo a pisos ken lima gasut a dolyar iti uneg ti bag ni Dr. Estela Cabatu nga agtawen ti innem a pulo, naasawaan a taga- Margaay, Narvacan idi malem ti September 20 idiay Barangay San Antonio, Narvacan
Segun ken ni Police Captain Arcadio Viloria, hepe ti Narvacan municipal police station, ti mismo sekretarya ni Cabatu a ni Rose Jane Manzano nga agtawen ti dua pulo ket maysa iti nakakita ken ni Cabuena a linukatan na iti arwangan iti kotse ti biktima ket kinaut na iti bag na ket innala na ti nasao a gatad.
Piniduwa pay ti suspek iti nagkaot iti uneg iti bag ti biktima ngem agsipud ta nagbuteng ni Manzano a nakatugaw iti backseat iti kotse, nagkukleb isuna ket saan nan a nakita nu anya pay dagiti sabali nga innala ti suspek iti uneg ti bag ti biktima.
Ti agdama, nakakustodiya pay laeng kadagiti kameng ti Narvacan PNP ti suspek ket maiyur-uray iti desisyon ti korte inaig iti kaso a nai-inquest kontra kenkuana.
