VIGAN CITY – Naipilan iti kaso a sangwen ni Aurelio Bantic, nataengan, naasawaan ken agnaed idiay Barangay Sagat, Sta. Cruz gapu iti mapapati a panangpaltog na ti kalugaran na a ni Jayson Leo Javillonar nga agtawen ti dua pulo ket tallo ken maysa a construction worker idi alas nuwebe iti rabii ti October 6.
Segun ken ni Police Captain Roger Baling-oay, hepe ti Sta. Cruz municipal police station, nagiinom ti biktima ken dagiti gagayyem na ta rinambakan da iti panagkasangay ti asawa na.
Idi agiinom da, nagriri ti dua kadagiti gagayyem ti biktima a kinasango na a naginom ngem kalpasan na ket pimmanaw da ngem intuloy da latta iti nagriri agingga a dimteng ti suspek a nagputok-putok isu a timmaray da.
Agsipud ta nakangngeg iti putok ti biktima, rimuwar iti pagtaengan da ket nakita na ti kabsat na a nagtaray isu a sinurot na ket isu metten iti bigla a pinaltugan ti suspek a nakatamaan iti akin- kannawan a luppo na.
Naitaray iti ospital ti biktima ket insigida met a nakemmeg ti suspek a positibo nga intudo dagiti sumagmamano a testigo nga isu iti nangpaltog ti biktima ta nakita da iti pasamak.
