Agpaut agingga iti bulan ti Marso ita a tawen ti La Niña-like conditions ditoy pagilian.
Segun iti PAGASA, agtultuloy a kumaro dagiti panawen ti nalamiis ngem iti average ti sea surface temperature iti equatorial Pacific Ocean a nangrugi idi Setiembre 2024 agingga iti La Niña conditions threshold idi Disiembre.
Ti La Niña condition ket mapaspasamak no ti binulan a sea surface temperature anomalies ket 0.5°C wenno nababbaba.
Kabayatan daytoy a panawen, manamnama ti nangatngato a tsansa ti above normal a panagtudo bayat ti Enero, Pebrero ken Marso.
Mabalin a pakaigapuan ti layus, flashfloods, ken panagreggaay ti daga gapu iti tudo.
Malaksid dayta, posible nga umadu ti posibilidad ti tropical cyclone activity iti uneg ti Philippine Area of Responsibility (PAR) iti nasao a panawen.
