Imbasura ti Korte Suprema dagiti petisyon a mangkukwestyon ti pannakayannatup iti constitutionality ti Republic Act No. 12232 a mangtuding ti termino ti Barangay ken Sangguniang kabataan (SK) officials iti uppat a tawen.
Iti pangngeddeng nga insurat ni Associate Justice Jhosep Lopez, nakalanad a saan a karaman iti three-year term limit dagiti barangay ken SK officials kas ti naipatungpal iti dadduma nga elective local officials.
Nagipila ti petisyon ti sumagmamano nga indibidual pakairamanan ti election lawyer a ni Atty. Romulo Macalintal a nagkuna a valid ti linteg gapu iti pannakapaayna a simmurot ti guidelines iti pannakasanud ti eleksyon.
Kinuna pay ti petitioners a nalabsing ti baro a linteg ti karbengan dagiti umili a makabotos ken pimmabor dayta kadagiti agdama nga opisyal.
Ngem kinuna ti Korte Suprema, ti Kongreso ti laeng adda bilegna a mangituding ti termino dagiti barangay official.
Iti salinong ti baro a linteg, maisayangkat iti umuna a Lunes inton November 2026 iti sumaruno a Barangay ken Sangguniang Kabataan Elections (BSKE) ken maisayangkat kada uppat a tawen.
