--Ads--
Kinumpirmaran ti Department of Justice a saan pay a nairuar ti korte ti maysa a warrant of arrest kontra iti negosiante a ni Charlie “Atong” Ang mainaig iti kaso dagiti mapukpukaw a sabungero.
Segun ken ni Prosecutor General Richard Anthony Fadullon, am-ammuenda pay laeng no apay a saan pay nga inruar ti Regional Trial Court ti San Pablo, Laguna ti warrant ken ni Ang.
Saan met a maibaga ni Fadullon no adda impila a mosyon ti kampo ni Ang tapno waswasen ti arrest warrant isu nga awan pay ti inruar ti nasao a korte.
Immunan a nangiruar ti arrest warrant ti RTC ti Sta. Cruz, Laguna ken Lipa City, Batangas a pangsangsangwanna iti kaso a kidnapping with homicide ken kidnapping and serious illegal detention.
-- ADVERTISEMENT --
