--Ads--
Mabalin a mangrugi ti klase iti School Year 2025-2026 inton Hunyo 16 dagiti pribado a pagadalan, kas iti pampubliko, segun iti Department of Education.
Segun iti DepEd, mabalin a suroten ken saan dagiti pribado a pagadalan ti school calendar ti ahensia.
Mabalin pay a mangituding iti bukod a panangrugi ti klase dagiti pribado a pagadalan no la ketdi maisurot iti School Calendar Law a mangibagbaga a ti ‘school year ket nasken a mangrugi iti umuna a Lunes ti Hunyo ngem saan a naladladaw ngem Agosto’.
Ti umay nga academic year ket manipud Hunyo 16, 2025 agingga Marso 31, 2026.
-- ADVERTISEMENT --
Iti salinong ti linteg, ti school year ket nasken a buklen iti saan a nasursurok ngem iti 220 class days.
