VIGAN CITY – Naisayangkat iti kick-off activity ti Bureau of Fire Protection ditoy probinsiya idi kalman kas panagselebrar ti Fire Prevention Month itatta a bulan.
Pinasingkedan ni Chief Fire Safety Enforcement Section SFO2 Lindsey Ayunon Jr a kas paset iti kick-off activity da ket nangisayangkat da ti fun walk ken motorcade tapno maipalagip kadagiti tattao iti kinapateg iti panagan-annad tapnu maliklikan ti uram.
Saan laeng a dagiti BFP iti nakipaset ta adda pay volunteers, miyembro ti City ken Municipal Disaster Risk Reduction and Management Council, Philippine National Police ken Bureau of Jail Management and Penology.
Innayonna pay nga adu pay iti agbalin nga aktibidad ti BFP ta mapan danto pay kadagiti barbarangay ken pagadalan tapno isuro da dagiti naduma-duma a banag tapu maliklikan ti uram ken dagiti dadduma payen nga impormasyon a masapul a maipakaammo da iti publiko.
