Dimmoble ti kaso ti diabetes iti sangalubongan iti napalabasa a tallopulo a tawen, basar ti kaudian a panagadal ti The Lance.
300 milion a tattao iti intero a lubong ti naapektaran ti nasao a sakit.
Natakuatan ti panagadal nga immadu ti diabetes prevalence nangruna kadagiti low- ken middle-income nations.
Ti panagadal ket inaramid dagiti scientist manipud iti NCD Risk Factor Collaboration (NCD-RisC) babaen iti pannakitinnulong iti World Health Organization (WHO), ken nangadal ti rekord manipud iti nasurok a 140 a milion a tattao nga agtawen iti sangapulo ket walo ken nasursurok a naurnong babaen ti nasurok a 1,000 a panagadal iti intero a lubong .
Natakuatanna nga immadu ti adult diabetes rates manipud 7% idi 1990 agingga iti 14% idi 2022.
Basar ti findings, ti konsentrasion dagiti kaso ti diabetes ket adda laeng iti sumagmamano a pagilian.
Ti India ti addaan iti kangatuan a bilang dagiti indibidual nga addaan iti diabetes, wenno dandani kakapat kadagiti global cases, wenno 212 milion nga tattao.
Sinaruno daytoy ti China nga addaan iti 148 a milion a kaso, ti Amerika ken Pakistan nga addaan iti 42 milion ken 36 milion a kaso, Indonesia ken Brazil ket 47 milion ti kaso.
