--Ads--
Ad-adda a nasken a pagdanagan ti panagraira ti tuberculosis (TB) ngem ti baro a strain ti Covid19, segun iti Department of Health.
Inlawlawag ni DOH Spokesperson Usec Albert Domingo a dagiti sakit kas ti TB ket airborne ken napaspaspas nga agwaras kadagiti lugar nga adu ti taona.
Dayta ket kalpasan ti panagperma ti DOH iti partnership iti US Department of State tapno mapapigsa ti panangtakkuat ken panangagas iti TB ditoy Pilipinas.
Karaman iti partnership ti turnover iti umdas nga agas para kadagiti 230,000 a pasyente ti TB ken 12 nga ultraportable X-ray machines.
-- ADVERTISEMENT --
Nakaawat pay ti pagilian iti mapatta-patta a USD $120 million manipud iti Philippine Country Coordinating Mechanism Global Fund para iti panangas iti TB, HIV, ken malaria.
