Bimmaba ti nairekord a crime against persons ti Philippine National Police iti naglabas a 2 a lawas ti pannakaipatungpal ti Safer Cities Initiatives.
Segun ken ni PNP Director for Operations Brigadier General Ponce Rogelio Peñones, karaman ditoy dagiti krimen kas ti murder, homicide, physical injury ken rape.
Dakkel a tulong iti panagbaba ti krimen ti pannakakemmeg dagiti naglabsing gapu iti panaginomda iti arak, ta isu ti masansan a pagtataudan ti krimen kas ti murder ken physical injury.
Maibasar iti 9 nga aldaw a comparative monitoring sakbay ken rugi ti pannakaipatungpal ti addang, bimmaba ti kaso ti murder iti 9.8 percent, homicide a 39.3 percent, physical injurt a 22.7 percent ken rape a bimmaba iti 22.9 percent.
Nupay kasta, ngimmato ti kaso ti robbery ken theft ngem impasigurado ti PNP nga ikagumaanda a maibaba met laeng dagitoy nga insidente.
