VIGAN CITY – Sangagasut limapulo ket lima ti kaso ti Covid19 iti Ilocos Sur ta dua ti nainayon iti nagpatnag.
Ni IS-C154 ket maysa a lalaki nga agtawen iti duapulo ket dua a taga-Brgy. Puerta Real, Sto. Domingo.
Awan ti travel history –na, ti sintoma a nariknana ket ti awan a panagramanna, nai-expose kada IS-C140, IS-C149 ken ni IS-C150.
Ni met ni IS-C155 ket maysa nga agtawen iti tallopulo ket uppat a lalaki a taga-Brgy. Del Pilar, Tagudin, Authorized Person Outside Residence ta isu ket maysa a healthcare worker.
Gapu ti dayta, manipud iti December 15 agingga inton December 29 ket maidalan iti Extreme Enhanced Community Quarantine dagiti lugar a naibilang a critical zone, Modified Enhanced Community Quarantine dagiti lugar a naibilang iti containment zone ken GCQ dagiti buffer zone.
