Nakaituding a mangiruar ti bilin ti Department of Justice (DOJ) maipanggep ti panagtignay kadagiti bullying kadagiti estudyante.
Segun ken ni DOJ Undersecretary Ian Norman Dato, iti salinong ti Department Order a mairuar ket mabilin ti local prosecution offices ken dagiti Action Center iti ahensia nga agawat kadagiti reklamo nga adda pakainaigan ti bullying.
Babaen dayta ket matignayan ti parikot iti bullying kadagiti pagadalan.
Kinuna pay ni Datu a maaddaan ti aksyon kangrunaan ket makurangan pay laeng dagiti nagannak no saan a mapansin ti reklamo.
Akem met ti local prosecution offices nga adalen dagiti reklamo ken i-refer iti pagadalan wenno iti Women and Children Protection Center iti Philippine National Police (PNP).
Ti nasao nga addang ket wagas iti gobierno nga ipakita a seryoso iti pananglaban ti parikot iti bullying kangrunaan kadagiti agtutubo.
