Naipilan ti kaso kontra kadagiti suspek ken person of interest iti pannakapapatay ni Police Senior Master Sergeant Diane Marie Mollenido ken ti agtawen-iti-walo nga anakna a ni John Ysmael, kas pinasingkedan ti National Capital Region Police Office.
Dua a bilang ti robbery with homicide ken theft ti naipila iti Quezon City Prosecutor’s Office kontra kadagiti 3 a suspek.
Dagiti tallo a suspek ket pakairamanan ti maysa a car agent, ti partner-na ken ti maysa pay a kakunsabusda.
Naipila pay ti kaso nga obstruction of justice kontra iti dati nga asawa ken ama dagiti biktima a da Police Senior Master Sergeant John Mollenido, a maibilang a person of interest.
Nasarakan ti bangkay ti policewoman idi January 24 idiay Pulilan Bypass Road, Barangay Dulong Malabon, Pulilan, Bulacan nga adda tama ti paltog ti ulona.
Kalpasan iti lima nga aldaw idi January 29, nasarakan met ti bangkay ti anakna a ni Ysmael iti calamansi farm iti farm-to-market road idiay Barangay Maluid, Victoria, Tarlac.
