--Ads--
Sinungbatan ti Malakanyang ti karit ni dati nga Ilocos Sur Governor Chavit Singson nga agdebate-da ken ni Presidente Ferdinand Marcos Jr mainaig iti isyu ti anomalya iti gobierno.
Segun ken ni Palace Press Officer Atty. Claire Castro, adu ti ar-aramiden ken pampanunoten a parikut ti pagilian ni Presidente Ferdinand Marcos Jr isu nga awan ti panawenna a patgan ti kiddaw ti dati a pulitiko.
Innayon ni Castro nga adu nga oras ti kasapulan a busbusen tapno pasayaaten ti kalidad ti biag dagiti umili ken ti ekonomia.
Daytoy ti kunana a pokus ti Presidente ken ti administrasionna isu nga awan ti panawen dagiti riri iti pulitika iti trabahona para kadagiti Pilipino.
-- ADVERTISEMENT --
