VIGAN CITY – Kapkapnekan a nayon a suweldo para kadagiti mangisursuro, dayta iti kangrunaan a kiddaw ti ACT Teacher’s Partylist tatta a selebrasyon ti World Teacher’s Day.
Ti pannaki-uman ti Bombo Radyo Vigan ken ni ACT teachers partylist Rep. France Castro, nadakamat na a saan nga agbaliw iti ilablaban da a substantial salary increase agingga a makita da nga adda iti ar-aramiden nga addang iti gobierno tapnu matungpal iti kalikagum da.
Ingunam-gunam na a dakkel a tulong kadagiti mangisursuro nu matungpal iti nabayagen nga ilablaban da a kapkapnekan a nayon a suweldo tapnu igagaed da pay iti agisuro kadagiti agad-adal ken tapnu masubadan dagiti adu a sakripisyo da iti trabaho da.
Kabayatanna, maragsakan met ni Castro agsipud ta adda dagiti kakadua da idiay Kamara ken uray idiay Senado a mangsupsuporta iti salary increase kadagiti mangisursuro.
