--Ads--
Awan ti aniaman a kuwarta nga isubli iti gobierno ni dati nga Ako Bicol Partylist Representative Zaldy Co.
Daytoy ti impaganetget ni Atty. Ruy Rondain mainaig iti statement ni Ombudsman Boying Remulla nga adda feelers ti naipatulod ti kampo ni Co tapno makipatang iti gobierno.
Immuna a pinasingkedan ni Remulla a sakbay a makipatang ket nasken nga agisubli ti kuwarta ni Co iti gobierno.
Segun ken ni Atty. Rondain, awan ti isubli a kuwarta iti gobierno ni Co gapu ta awan met ti tinakaw na iti gobierno.
-- ADVERTISEMENT --
Ti dati nga agpampanday linteg ket agtultuloy a masapsapul kalpasan a nakaswan ti graft iti Office of the Ombudsman ken nairruaran ti warrant arrest gapu ti maipagarup a kickback na manipud iti ghost flood control project idiay Negros Oriental.
