Pinasingkedan ni House Deputy Speaker ken Antipolo Rep. Ronald Puno a sumurot ti kamara kadagiti baro a pagannurotan ti Korte Suprema no adda impeachment complaint kontra ken ni Vice President Sara Duterte.
Segun ken ni Puno, ad-adda nga agbalin a naannad ken detalyado ti proseso, a nangipaganetget iti due process ken kompleto a dokumento sakbay a dumur-as ti kaso.
Impunto ni Puno a ti kaso kontra ken ni VP Sara ken naimbestigaranen a naimbag iti Quad Comm, idinto a ti posible a kaso kontra ken ni Presidente Ferdinand Marcos Jr ket ‘speculative’ pay laeng.
Gapu iti baro nga SC ruling, naing-inget ti proseso ti impeachment ken saan laeng a mabalin nga ipasa iti Senado babaen iti alisto a panangipakita iti pirma dagiti agpampanday-linteg isu a masapul a naannad ken maadal a nasayaat ti kada reklamo.
