Pagmueltaen ti NBA ni Denver star Nikola Jokic ken Minnesota forward Julius Randle kalpasan a nagbinnarada iti Game 4 iti playoff series.
Ni Jokic ket napagmuelta iti $50,000 idinto a ni Randle ket napatawan ti $35,000 kalpasan ti panagsinnungbatda iti maudi a segundo iti ay-ayam iti nagbaetan iti Denver Nuggets ken Minnesota Timberwolves.
Segun ti NBA, nagtaud iti tensyon kalpasan a nag-drive ken laydown ni Minnesota guard Jaden McDaniels iti nabatbati a 2.1 seconds, uray dakkel iti lamang ti Timberwolves.
Maibilang dayta nga unsportsmanlike iti Denver a gappuanan a nag-react dagiti player.
Segun ti NBA, ni Jokic ti umuna a nagiduron ken ni McDaniels idinto a ni Randle ket kellaat a simmali iti riri ken induronna ni Nuggets guard-forward Bruce Brown.
Agpda a napatawanda ti technical foul ken agpada a na-eject iti ay-ayam.
