Nailatagen dagiti kongkreto nga addang ti Department of Agriculture (DA) tapno matignayan ti pangta ti El Niño ken masalakniban ti sektor iti agrikultura kontra iti epekto ti nakaru a pudot ken kinakurang iti danum.
Segun ken ni Presidential Communications Office Undersecretary ken Palace Press Officer Claire Castro, saanen a baro iti pagilian ti pangta ti El Niño isu nga agtigtignayen iti gobierno tapno makissayan ti agbalin nga epektona kadagiti mannalin ken iti suplay iti taraon.
Kinuna ni Castro a binilinen ti DA ti National Irrigation Administration (NIA) a bigbigen dagiti lugar a mabalin a maapektaran ti pagkurangan iti danum pakairamanan dagiti karaman iti kangrunaan nga irrigation systems kas iti Magat Dam ken dadduma pay a napapateg a padanum iti pagilian iti salinong ti Upper Pampanga River Integrated Irrigated Systems (UPRIIS) a mangted iti irigasyon kadagiti mannalon.
Karaman pay dagiti addang ti DA ti nadedetalyado a panagmapa kadagiti rainfed wenno mangnamnama iti tudo a pagtalonan tapno insigida a mabigbig dagiti lugar a napeggad iti El Niño.
