Nagpanawagan ti Kabataan Partylist iti gobiero a papigsaen ti suporta kadagiti senior citizen imbes nga ipanamnama kadagiti annak, kasaruno ti gakat ni Sen. Panfilo Lacson a mabalin nga obligaren dagiti anak a suportaran dagiti nagannakda babaen iti korte.
Segun ken ni Kabataan Partylist Rep. Renee Co, nasken a siguradoen ti gobierno nga umdas ti trabaho, sueldo, ken serbisyo a pangkagimungan tapno saan nga agbalin a padagsen ti panagtulong kadagiti nagannak.
Impaganetget ti grupo a saan a nasken a pagbalinen a linteg ti panagbayad iti utang iti naimbag a nakem ken saan a nasken nga ibilang dagiti annak a ‘retirement plan’.
Para met ken ni Lacson, saan nga inkapilitan daytoy ken panunoten ti korte ti pinansial a kabaelan ken ti pakasaritaan iti panagabuso wenno kinamanagbaybay-a dagiti nagannak.
