Kaaddoan a Pilipino ket patienda a rumbeng a madusa ni dati a President Rodrigo Duterte iti pannakatay dagiti nairaman iti war on drugs iti administrasyonna.
Dayta iti rimmuar iti kabaroan a survey iti Social Weather Stations (SWS) a naisayangkat manipod September 24 agingga 30, 2025 a nakipasetan iti 1,500 adults iti intero a pagilian ket addaan iti ±3 percent margin of error.
Iti resulta ket 50% a respondents iti immanamong a madusa ni Duterte, 32% iti kimmontra, 15% iti undecided ken 4% iti saan a simmungbay.
Idiay Visayas iti kangatoan a simmuportar para iti pannusa ta 54%, simmaruno idiay Metro Manila a 53%, Balance Luzon a 52% ken Mindanao a 39%.
Nairuar ti resulta iti survey kasaruno iti pangngeddeng ti International Criminal Court (ICC) nga ibasura iti request ti kampo ni Duterte nga interim release.
