Isingsingasing ni Senador Jinggoy Estrada ti panangipalawa ti unemployment benefits iti salinong ti Social Security System para kadagiti Pilipino a naawanan iti trabaho.
Sakup ti nasao a gakat dagiti mangmangged a naawanan iti trabaho gapu iti layoff, retrenchment, wenno panagsara ti kompania.
Karaman ditoy dagiti Overseas Filipino Worker a napilitan nga agawid iti pagilian kalpasan a maapektaran ti trabahoda gapu iti riribuk iti Middle East.
Ti gatad ti tulong a maawat dagiti miembro iti salinong ti gakat ket maibasar iti bilang ti tawen a naitinnagda iti SSS.
Inlawlawag ni Estrada a ti gakat a cash aid ket saan a limos no di ket maysa a klase ti proteksion kontra iti panagbisin ken kinarigat kabayatan nga aggsapsapul iti baro a trabaho dagiti naawanan iti pagtrabahoan.
