--Ads--
Mangipaay ti Japan iti 370 million yen wenno katukad iti P137 million tapno mapapigsa ti pananglaban ti pagilian iti tuberculosis, nangruna kadagiti nasulinek a lugar.
Pinermaan da Japanese Ambassador Kazuya Endo ken UNOPS Geneva Director Andrew Kirkwood ti katulagan, a dinar-ayan ni Health Secretary Teodoro Herbosa.
Maikabil kadagiti provincial health office ti 20 nga ultraportable X-ray units nga adda computer-aided diagnosis tapno mapaalisto ti nasapa a pannaka-diagnose ken panangagas iti TB.
Segun iti World Health Organization, nangato ti kaso ti TB iti Pilipinas, ta mapatta-patta nga umabot iti 739,000 idi 2023.
-- ADVERTISEMENT --
Maipatungpal ti proyekto babaen iti Stop TB Partnership, kagiddan ti Department of Health.
