--Ads--
Inwaragawag ti Ilocos Sur Electric Cooperative, Inc. a mabalin nga adda nguminaan iti singir ti koriente kadagiti sumaruno a billing period gapu iti mapaspasamak iti lubong.
Karaman ditan ti agtultuloy a riribuk a mangap-apektar iti suplay ken presio dagiti petrolyo kas ti langis ken coal a maar-aramat tapno mapataud ti koriente.
Dayta ti makaigapu iti panagpangina ti generation cost, a paset iti singir ti koriente a saana a direkta a kontrolado ti electric cooperative ken nakaibasar iti aktwal a singir manipud kadagiti power supplier.
Gapu dayta, maal-allukoy dagiti konsyumer nga aginut iti koriente tapno makatulong iti panangimanehar iti konsumo ken maliklikan ti nangina a singir iti koriente.
-- ADVERTISEMENT --
