Makibinnulig ti Department of Science and Technology (DOST) iti Department of Education (DepEd) ken Commission on Higher Education (CHED) tapno biagen ti interes dagiti Filipino nga estudiante iti syensia.
Segun ken ni DOST Secretary Renato Solidum Jr., maysa kadagiti isyu ti educational system ti pagilian ket ti panagpokus iti memorization imbes a pannakaawat kadagiti proseso.
Kas resulta, saan a mapagtalinaed dagiti agad-adal ti interesda kadagiti scientific topic gapu iti kinakurang ti gundaway a sukisoken pay ti curiosity-da.
Gapu kadaytoy nga isyu, makibinnulig ti DOST iti DepEd, CHED, ken dadduma pay a private sectors tapno maipatakder dagiti nayon a laboratoryo ken dagiti pasdek, ta target ti DOST nga iyam-ammo pay dagiti advanced technology kas dagiti artificial intelligence (AI) system kadagiti klasrum. Augie Arellano
