Imbilin ni Philippine National Police (PNP) Acting chief Police Lt. Gen. Jose Melencio C. Nartatez Jr. ti amin a police commander a dagus nga aggaraw kontra iti aniaman a klase ti misconduct kadagiti kameng ti kapulisan tapno maliklikan ti nadagdagsen a parikut iti masakbayan.
Pinasingkedan ni Nartatez ti zero tolerance kadagiti aramid a mabalin a mangdadael iti integridad ken propesyonalismo dagiti pannakabagi ti linteg.
Imbilin daytoy ti mangidadaulo ti PNP kas tignay iti napasamak a pammaltog a nakaimbolbaran ti maysa a babai a sibilyan ken tallo a pulis.
Impaganetget ni Nartatez a ti insidente ket mangipalagip iti kasapulan a papigsaen ti internal monitoring ken disciplinary systems kangrunaan kadagiti pulis nga adda immunan nga isyu-na iti administratibo.
