--Ads--
Inawagan ni Vice President Sara Duterte nga ‘ar-aramid’ laeng ti impeachment case kontra kenkuana a naipila iti Kongreso, kagiddan ti panagyamanna kadagiti agtultuloy a mangsupsuporta kenkuana.
Segun ken ni VP Sara, napigsa latta ti maaw-awatna a suporta manipud pay idi napan nga eleksion, kasta payen dagiti mangkonkontra iti impeachment babaen kadagiti rally.
Mamati ti bise president nga amin a mapaspasamak iti biag ket intuding ti Dios, karamanen no ma-impeach isuna wenno saan.
Imbingayna pay a napagpatangandan iti amana a ni dati a Presidente Rodrigo Duterte ti isyu, ket nagsentro ti patanganda iti pammati ken gasat.
-- ADVERTISEMENT --
