--Ads--
Pinapigsa ti Philippine National Police ti operasion da idiay Albay kasaruno ti agtultuloy a panag-alboroto ti Bulkan Mayon a nangitunda ti pangta kadagiti komunidad iti aglawlaw-na.
Segun iti PNP, dagus a nag-deploy ti kameng ti Police Regional Office 5 para iti traffic management kadagiti kangrunaan a kalsada tapno masigurado ti naannayas a daloy ti emergency response.
Pinapigsa da pay ti police visibility ken checkpoints tapno maliklikan ti panagserrek kadagiti danger zone ken mapagtalinaed ti kina-urnos kadagiti apektado a lugar.
Timmulong pay ti PNP iti panangipaay ti face mask ken panangited ti pakdaar para iti salun-at kangrunaan kontra iti ashfall ken dadduma pay a pangta nga epekto ti aktibidad ti bulkan.
-- ADVERTISEMENT --
