Inflation rate iti Pilipinas idi Marso, pimmaspas ti 4.1% iti baet iti panagpangato iti fuel ken transportation

Pimmaspas pay iti 4.1% ti inflation rate wenno lebel wenno kapaspas ti panagpangato ti sibubukel a presyo dagiti magatang ken serbisyo iti pagilian idi Marso kas pinasingkedan ti Philippine Statistics Authority (PSA).

Dayta ket kagiddan ti panangpangina iti presyo iti langis ken transportasyon.

Dayta ket napaspaspas ngem iti 2.4% a nairekord nga inflation rate idi February iti agdama a tawen.

Naartapanna pay iti 2% agingga 4% target inflation nga intuding iti gobierno ken ti forecast range iti Bangko Sentral ng Pilipinas (BSP).