Nangiruar ti Bangko Sentral ng Pilipinas (BSP) ti month-ahead inflation forecast para iti April 2026 ket manamnama nga umabot ti inflation iti nagbaetan iti 5.6% agingga 6.4%.
Segun ti BSP, pimmigsa ti peggad iti panagpangato ti presyo gapu iti agtultuloy a panagpangato ti domestic petroleum products, panangpangina ti presyo dagiti kangrunaan a taraon kas iti bagas, ikan ken karne, nangin-ngina a singir iti kuryente ken panagkapsot ti piso kontra dolyar.
No man pay manamnama a makatulong iti panagbaba ti presyo iti nateng ken prutas tapno makissayan ti inflation ket agtaltalinaed a napigsa dagiti upside risks a rumbeng a bantayan.
Siguradoen ti BSP nga agtaltalinaed a naalibtak ken tarabayanda dagiti sumaruno a listaan kangrunaan iti inflation ken growth prospects iti ekonomia.
