Ngimmato iti 7.8 percent ti inflation rate iti Pilipinas idi Oktubre 2026, manipud iti 7.2 percent idi Setyembre ken 1.7 percent iti isu met laeng a bulan idi napan a tawen, segun iti Philippine Statistics Authority.
Daytoy ti maikadua nga agsaruno a bulan a nairekord ti panagpangato ti inflation iti pagilian.
Kangrunaan a nangitunda iti panagpangato ti inflation ti nangin-ngina a plete ken gastos iti transportasion a nakairekord iti 20.1 percent inflation, kagiddan iti panagpangato ti presio ti gasolina ken utility services.
Gapu dayta, umaboten iti 5.6 percent ti average inflation manipud Enero agingga Oktubre, a nalablabes iti 2 agingga 4 percent target ti gobierno, numan pay makastrek latta iti forecast range ti Bangko Sentral ng Pilipinas.
