--Ads--
Nakaalan ti permit dagiti karaman iti Iglesia ni Cristo manipud iti Quezon City Government para iti panagisayangkat ti kilos protesta.
Segun iti Quezon City Department of Public Order and Safety (DPOS), awan ti aniaman a panang-kontra da iti pannakaisayangkat ti nakappia a kilos protesta iti White Plains Avenue inton bigat, Hulyo 1.
Maisayangkat ti nadakamat a kilos protesta manipud alas-8 ti bigat agingga alas-8 ti rabii.
Adda dagiti sumagmamano a pagannurotan a masapul a masurot kas ti maisayangkat laeng ti rally iti paset ti White Plains Ave iti Temple Drive, Quezon City.
-- ADVERTISEMENT --
Awan pay ti masapul a maiserra a kalsada no mannarimaan ti pannakaisayangkat ti aktibidad ket masapul a pagtalinaeden ti kinadalus ken kinaurnos iti lugar.
