Natalek ti Malakanyang nga irespeto ti liderato iti Iglesia ni Cristo (INC) ti desisyon iti Korte a kemmegen ni Sen. Rodante Marcoleta, kagiddan ti panangibagana ti panagsurot ti rule of law ket rumbeng a maipangruna aniaman ti political wenno religious affiliations.
Pinasingkedan dayta ni Presidential Communications Office (PCO) Undersecretary ken Palace Press Officer Claire Castro kalpasan a Kinemmeg dagiti otoridad ni Marcoleta idi Lunes, kalpasan nga Imbasura ti Sandiganbayan 3rd Division ti impilana a motion for reconsideration iti arrest warrant gapu iti plunder case a naipila kontra kenkuana iti Office of the Ombudsman.
Nagtaud ti kaso ni Marcoleta iti alegasion nga immawat, nga idi ket nakatugaw a kongresista, ti P75 million a campaign donations manipod ken ni Mike Defensor ken dagiti negosyante ngem saan a naideklarar iti Statement of Assets, Liabilities and Net Worth.
Iti salinong ti Anti-Plunder Act, mabalin a kasoan ti maysa a public official no mapaneknekan a nakaurnong iti saan a nababbaba iti P50 million a mapapati nga ill-gotten wealth.
Kinuna ni Castro a respetoen ti presidente ti desisyon ti Korte ken bigbigenda ti waya-waya iti hudikatura.
