Agsagsaganan ti Philippine National Police kadagiti manamna]ma a rally ken aktibidad inton Setyembre 21 wenno anibersaryo ti Martial Law idi 1972.
Imbilin ni PNP chief Gen. Jose Melencio Nartatez Jr. kadagiti local police units a paingeten ti intelligence monitoring ken panagsagana dagiti naan-anay a personnel ken alikamen para iti manamnama nga aktibidad.
Segun ken ni Nartatez, ti police deployment ket a-pokus iti panangpatalinaed ti kappia bayat a maprotektaran ti karbengan ken kinatalged dagiti ag-protesta ken publiko.
Gagem ti presensiya ti kapulisan tapno maliklikan ti aniamna a naranggas nga insidente.
Nagpalagip ni Nartatez kadagiti grupo nga agplan-plano nga agisayangkat ti kilos-protesta a mangala ti permit ken sumorot kadagiti regulasion.
