--Ads--
Pormal a lineppas ti Iglesia ni Cristo (INC) iti tallo nga aldaw a rally kas impakaammo ti spokesperson-da.
Nagyaman ni Edwil Zabala kadagiti dimmar-ay iti tallo nga aldaw a rally, karamanen dagiti personalidad a nangibingay ti suportar ken kadagiti polis a nangted ti seguridad iti nasao a rally.
Segun ken ni Zabala, patienda a nalawagda a naidanon ti mensaheda kadagiti maseknan nga opisyal.
Kinunana a mangnamnamada a maiyetnag ti hustisya iti pagilian ken saan a dagiti tattao a mangkilkillo iti linteg para iti bukodda nga interes.
-- ADVERTISEMENT --
Innayon ni Zabala a nagleppasen ti peaceful rally-da ken mangnamnama a natalged iti amin a makaawid a kas iti kinatalgedda a nagturong.
