Nainget a bambantayan ti Manila Police District (MPD) ti Malakanyang ken ti aglawlaw ti presidential palace.
Dayta ket bayat ti panangisayangkat ti Iglesia ni Cristo (INC) ti agsasaruno a protesta kas panangipakita ti suportar ken ni Senador Rodante Marcoleta a manamnama a makasoan ti plunder iti aniaman nga aldaw.
Segun ken ni MPD Director BGen. Arnold Santiago, manipod naisayangkat ti kilos-protesta iti INC idiay EDSA People Power Monument agingga naituloy ti rally idiay Manila, bambantayanen dagiti polis ti Malakanyang.
Nakasarra amin a gate idiay Malakanyang manipod day one, ken amin dagiti kalsada a mangkonkonektar iti nasao a lugar ket adda polis a nakabantay, karamanen iti maisaysayangkat ti regular a panagpatrolya iti security forces.
Segun ken ni Gen. Santiago, malaksid iti regular deployment iti aglawlaw iti Malakanyang ket mangipatpatulod pay ti suportar ti NCRPO para iti aniaman a pagkasapulan.
