Imbingay ti “unconditional support” ti Partido Demokratiko Pilipino (PDP) iti protesta nga insayangkat ti Iglesia ni Cristo (INC) iti Liwasang Bonifacio Freedom Park.
Daytan iti maikatlo nga aldaw a protesta nga insayangkat ti religious organization nga immunan a nangrugi idi June 30, kas panangipakita iti suportar ken ni Sen. Rodante Marcoleta, kasangwanan ti plunder case a manamnama a maipila kontra kenkuana.
Segun ken ni PDP Deputy National Spokesman Ferdinand Topacio, sumupsuportar ti nasao a political party, saan laeng a kadagiti miembro ti INC no diketdi uray kadagiti dadduma pay a Pilipino a sumursurot kadagiti agsasaruno a demonstrasyon.
Suportaran pay ti PDP ti panawagan para ti hustisya, nasayaat a panagidaulo ken madusa iti amin nga opisyal iti gobierno.
Kagiddan dayta ket binabalaw ni Topacio ti mapapati a nakaru a korapsyon a mapaspasamak iti salinong ti Marcos Administration.
