Kumpirmado a mapan idiay The Hague ni Elizabeth Zimmerman, ina ni Vice President Sara Duterte, tapno bisitaen ni dati a Presidente Rodrigo Duterte uray no saan pay a sigurado no makastrek iti detention facility.
Gapu ta annulled ti kasardan ken ni Duterte, saan a maibilang a next of kin.
Ti kastoy a prebilehio ket adda kadagiti annakda a da Sara, Paolo, Sebastian, ken ti half-siblingda a ni Veronica.
Saan pay a sigurado no makabisita ti dadduma a miembro ti pamiliada, nangruna ta adda sumagmamano a mabalin a maitantan ti visana sakbay ti naituding a pro-Duterte gathering inton Marso 23.
Maysa lawasen nga adda iti kustodia ti International Criminal Court ni Duterte gapu kadagiti kasona a crimes against humanity nga adda pakainaigan iti drug war ti administrasyonna.
