VIGAN CITY – Dead on arrival ti ospital ti maysa a lalaki ta nabagkong ti barukong na babaen ti agama a suspek idaiy Brgy. Nanerman, Sto. Domingo.
Nabigbig ti biktima a ni Edralin Pilar Lazo agtawen ti tallo pulo ket siam ken agnaed ti nasao a barangay ken dagiti suspek a da Reynaldo Gimmayen Domingo agtawen ti lima pulo ket pito kenni Marvin Tacla Domingo agtawen ti dua pulo ket dua nga agpada nga agnaed ti Brgy. Naglaoan iti nasao nga ili.
Segun ti Sto. Domingo Municipal Police Station, prinobukar dagiti dua a suspek ti biktima ket kabayatanna iti panagriririda nagna ni Reynaldo ti likodan ti biktima ket binagsol na ti barukongna.
Kabayatanna iti panaggubal da Reynaldo ken Edralin tinulungan ni Marvin ti amana a nangkabil ti biktima.
Innayon ti PNP a kinabaelan palaeng ti biktiam nga agawen ti kutsilyo ti suspek a rason iti pannakadunorna.
Ti agdama agtultuloy iti imbestigasyon ti kapulisan no aniya iti usto a napasamak sakbay ti pammagkong
