Desidido ti biktima ti pammagkong a kasoan ti kabsatna a nangbagkong kenkuana idiay Barangay Iboy, San Ildefonso, Ilocos Sur idi rabii, May 5, 2026.
Ti biktima ket ni Gilbert Torres nga agtawen iti tallopulo ket siam, ken addaan ti live-in partner; idinto a ti suspek ket ti adingna a lalaki, baro, construction worker nga agpada nga agnaed iti nasao a lugar.
Iti pannaki-uman ti Bombo Radyo Vigan ken ni Gilbert Torres, nagsinnungbatda ti kabsatna ket kinarita isuna nga dinnanogda ngem nakigtot ta adda metten iti iggemna a patadem isu a timmaray ngem kinamat isuna ti kabsatna.
Segun ken ni Torres, idi binagkong isuna ti kabsatna ket nakasikig a rason iti nagsagabaanna iti dunor iti akin-kannigid a paset iti takyagna.
Kinuna ni Torres a nagtaud iti ririda iti kutsay a mula ti kabsatna ta saanna nga ammo a dinadael ti manokna, isu a nakigtot idi pinaltoganna baben ti iskupeta ti tarakenna a manok isu a sinitarna a rason ti nakarurodanen ti suspek.
Nadiskubre met ti naaramat iti pammagkong a 3-inch pointed metal object nga insuko ti Barangay Kapitan a ni Mark Anthony Pagud nga isu iti nanganawa kadagiti dua.
Innayon ni Torres a kayatda nga ituloy ti kaso a maipila ta para met laeng ti kabsatda iti ar-aramidenda ta narigat a maan-anawa kadagiti madi nga aramidna.
