VIGAN CITY- Awan pay ti pamalpalatpatanna ti imbestigasyon dagiti otoridad ti pannakapapatay ni Joseph Pido, a taga Sitio Nalasin Camanggaan , Vigan City a pinaltugan dagiti saan a nabigbig a suspek iti ruar ti pagtaengan da idi rabii ti Nobiembre baente kuatro.
Segun kenni Supt. Jugith Del Prado, hepe ti Vigan City Police Station, dukduktalen da dagiti posible a testigo a nakakita kadagiti suspek idi rimuar da iti nasao a lugar kalpasan iti krimen idinto a ti karelasyon ti biktima a ni Efren Fabillaran a kaabay na idi napasamak ti pammaltog ket saan na a narupaan dagiti suspek.
Maipalagip a matmaturog ni pido ,kadwa na ni Fabillaran idi dimteng dagiti innem a suspek ket pinalto-paltogan da ti biktima ngem saan da nga inraman ti kadwa na a ni Fabillaran.
Nasurok dwa pulo a kapsula ti armalite, caliber 38 ken calibre 45 a paltog ti naala dagiti otoridad iti nakapasamakan ti krimen.
Ti bikitma ket sumangsango iti uppat a bilang iti kaso a panagrames ken agsusukot a kaso ti robbery.
