Impasigurado ni Ilocos Sur Provincial Disaster Risk Reduction and Management Council Officer Rhon Arquelada nga awan pay ti dimmanon kadakuada a naapektaran nga agindeg iti agtultuloy a natudo a paniempo gapu iti bagyo Bising.
Iti pannaki-uman ti Bombo Radyo Vigan Vigan ken ni Arquelada, agtultuloy ti panangmonitorda kadagiti karayan ken coastal areas no bilang adda mapasamak a panagpangato ti danum.
Malaksid dayta, bambantayanda pay dagiti upland municipality agraman dagiti flood ken landslide- prone areas ti probinsia.
Awan pay met ti naserraan a kalsada gapu iti nasao a bagyo ngem nagpalagip kadagiti agbiahe nga agannad.
Kabayatanna, nakasagana met dagiti rescue equipment-da no kas bilang kasapulanda ti agresponde.
Balakad ni Arquelada a sumurot iti pammilin a mayetnag tapno maliklikan ti peggad ita nga adda bagyo.
