Awan ti plano ti Independent Commission for Infrastructure (ICI) a paayaban ni President Ferdinand Marcos Jr. iti panagdenggeg iti Komisyon.
Dayta ket iti baet iti panangipakaammo ni dati a Cong. Zaldy Co a ni Pres. Marcos iti mapapati a nagbilin ti P100 billion insertions iti 2025 national budget.
Segun ken ni ICI Executive Director Atty. Brian Keith Hosaka, saan a beripikado iti inruar a video ni Co.
Kasapulan pay iti sinapataan a sarita ni Co sakbay a maallukoy ti komisyon.
Kinumpirmaran ni Hosaka nga awan iti makitkita a koneksyon iti expose ni Co kadagiti ebidensya ken testimonya a naipasa kadakuada dagiti pinaayabanda a resource persons.
Innayon ni Hosaka nga awan pay iti pangngeddeng iti ICI nu mabalin nga ag-testify ni Co babaen ti zoom.
