Saan a marikna dagiti umili iti Amerika ti pinasingkedan ni US Pres. Donald Trump a nasayaat iti ekonomia iti pagilianda kasaruno iti napasamak nga State of the Union Address-na idi kalman.
Iti pannaki-uman ti Bombo Radyo Vigan ken ni Bombo International News Correspondent Rene Balles nga adda idiay New Jersey, indeklarar ni Trump a napintas iti ekonomiada ngem kabaliktad met iti mapaspasaran dagiti umili gapu iti ngimmina a presyo dagiti magatang kangrunaan iti taraon.
Segun ken ni Ballenas, kasapulanda pay nga agdoble trabaho tapno manayunan iti paggatangda iti nangina a magatang.
No maipanggep ti taripa, kinunana nga uray naigagara a para laeng iti international products ket dagiti consumer latta iti Amerika iti papanan ti pataw gapu iti nangina a magatang.
No pay kasta ket namnamaen dagiti umili a ti kabiitan a panawen ket mariknadan a naurnos iti taray iti ekonomiada.
