Kinarit ni Kamanggagawa Party-list Rep. Eli San Fernando ti baro a Labor Secretary Francis Tolentino nga insigida a mangbukel ti plano tapno matignatan ti nababa a sueldo dagiti mangmangged iti pagilian.
Impaganetget ni San Fernando ken ni Tolentino nga insigida a tulongan dagiti minimum wage ken middle income earners iti baet iti nakaru a krisis.
Kinuna ni San Fernando, napateg a maidatag ni Tolentino ti policy direction maipanggep ti sueldo, constractualization ken abusado a provincial rate system.
Mangnamnama ni San Fernando nga iti salinong iti liderato ni Tolentino, ti Department of Labor and Employment ket saan nga agbalin a pannakangiwat dagiti dadakkel a korapsyon no diketdi itakderda iti biang dagiti umili a mangpagpapagaraw iti ekonomia.
