--Ads--

Impakita iti publiko ni House Speaker Faustino “Bojie” Dy III ti kopya ti Statement of Assets, Liabilities and Net Worth-n (SALN).

Ti addang ni Dy ket kas panangtungpal ti karina nga aramidenna a silulukat ti publiko iti baknangna kas maysa nga agserserbi.

Maibasar iti dokumento ket umabot iti P121.1 million ti sibubukel nga asset ni Dy babaen ti agricultural land, lugan, investment shares ken sumagmamano a personal a sanikua.

Nagdeklarar met ni Dy iti nasurok P47 million a liabilities isu a ti net worth-na ket nasurok P74 million.

-- ADVERTISEMENT --

Malaksid ken ni Dy ket immunan nga impakita iti SALN da Representatives Chel Diokno, Perci Cendaña, Dadah Ismula, Arlene “Kaka” Bag-ao, Antonio Tinio, Sarah Elago, Renee Co ken Kiko Barzaga.