Immapela ni Senador Risa Hontiveros iti Malakanyang a sertipikaran kas urgent ti gakat a nayon a P100 daily minimum wage para kadagiti mangmangged a Pilipino.
Segun ken ni Hontiveros, kasapulan a maipasa ti nayon a sueldo ita a 19th Congress ta no nalpas ti daytoy a kongreso a saan a naipasa ti wage hike bill, agbalin a back to zero.
Iti kada aldaw nga awan ti nayon ket agtultuloy nga agrigat dagiti mangmangged a Pilipino.
Aminado ti senador a saan nga umdas ti P100 ken P200 nangruna ta nangina dagiti magatang – ngem napateg nga addang daytoy para iti sueldo a mangbiag iti bukod a pamilia.
Idi Pebrero 2024 ket impasa ti Senado ti gakat a mangnayon iti P100 iti daily minimu wage para kadagiti amin a mangmangged, idinto nga adda pay laeng iti kamara ti P200 a nayon a sueldo.
