--Ads--
Nangidiaya ti Federal Bureau of Investigation iti $25,000 a gunguna wenno nasurok-kumurang P1.4 million iti asino man a makaited iti impormasion tapno makemmeg ti pugante a Pilipino a ni Austin Jan Sy Yatco.
Sumangsango ni Yatco kadagiti kaso nga adda pakainaiganna iti child exploitation, ken adda federal arrest warrant kontra kenkuana a nairuar idi January 23 babaen iti korte ti Amerika.
Maibasar iti imbestigasion, karaman ni Yatco iti online exploitation kadagiti menor de edad sipud 2019 agingga 2021, kas paset iti maysa a network a mangar-aramat iti gaming ken dadduma pay nga online platform.
Datin a nagnaed ni Yatco idiay Texas, ngem mapapati a naglibas isuna a rummuar iti Amerika ken mabalin nga aglemlemmeng ditoy pagilian.
-- ADVERTISEMENT --
