VIGAN CITY – Siguradoen ti gobierno iti Kuwait a madusa dagiti nagkurang ti panagtignayna inaig ti napasamak a pannaka-uram ti maysa a pasdek idiay Kerala, Kuwait a nakatayan ti 49 a tattao pakairamanan ti tallo a Pilipino.
Iti pannakipapatang ti Bombo Radyo Vigan ken ni Bombo International News Correspondent (BINC) Mae Ortiz a Chairman ti Association of Filipino Organization idiay Kuwait, saan nga agsardeng iti gobiernoda a mangimbestigar iti pudno a napasamak ta kitkitaenda nu adda ti panangbaybay-a kadagiti agnanaed iti nasao a pasdek.
Segun ken ni Ortiz, karaman nga imbestigaran ti gobierno nu nagkurang ti safety standards iti nasao a pasdek ta saludsod nu apay nga awan ti fire exit ken nairana pay a nakasarra iti roof top isu a saan a nakaruar dagiti agdagdagus iti uneg.
Inlawlawagna a nagtaud iti ground floor iti uram isu nga imposible a makaruar dagiti tattao iti uneg ket ti laengen mabalin koma nga aramidenda ket ti mapan iti roof top ngem napaayda ta nakasarra isu a na-suffocateda.
Nupay kasta ket naibaluden ti agbambantay iti nasao a pasdek ta saan a nakapagtignay idi napasamak iti uram ken maisaysayangkat ti nauneg nga imbestigasyon tapno maduktalan ti pudno a napasamak.
VIDEO – BINC MAE ORTIZ
